മാഡ്രിഡ്: പോർച്ചുഗീസ് ഫുട്‌ബോൾ ഇതിഹാസം ക്രിസ്റ്റ്യാനോ റൊണാൾഡോയുടെ അവിശ്വസനീയമായ കരിയറിനെയും നേട്ടങ്ങളെയും വാനോളം പുകഴ്ത്തി മുൻ റയൽ മാഡ്രിഡ് പരിശീലകനും ഫ്രഞ്ച് ഇതിഹാസവുമായ സിനദിൻ സിദാൻ. ക്രിസ്റ്റ്യാനോയ്‌ക്കൊപ്പം പ്രവർത്തിക്കാൻ കഴിഞ്ഞത് കരിയറിലെ വലിയ ഭാഗ്യമായാണ് താൻ കരുതുന്നതെന്ന് സിദാൻ വ്യക്തമാക്കി.
"ക്രിസ്റ്റ്യാനോ റൊണാൾഡോയ്ക്ക് മുന്നിൽ ഞാൻ തലകുനിക്കുന്നു (Chapeau, Cristiano Ronaldo). ക്രിസ്റ്റ്യാനോയാണ് റയൽ മാഡ്രിഡിൽ ഞങ്ങൾക്ക് അവിശ്വസനീയമായ നിരവധി കിരീടങ്ങൾ നേടിത്തന്നത് എന്നതുകൊണ്ടുതന്നെ എനിക്കിത് ഉറപ്പിച്ചു പറയാൻ സാധിക്കും." - സിദാൻ പറഞ്ഞു.
പോർച്ചുഗീസ് സൂപ്പർ താരത്തിന്റെ കരിയറിനെ അർഹിക്കുന്ന രീതിയിൽ തന്നെ ലോകം ആദരിക്കേണ്ടതുണ്ടെന്നും സിദാൻ കൂട്ടിച്ചേർത്തു. "അദ്ദേഹത്തിന്റെ മഹത്തായ കരിയറിനെ നാം ശരിയായ രീതിയിൽ തന്നെ അഭിവാദ്യം ചെയ്യണം. ക്രിസ്റ്റ്യാനോയെപ്പോലൊരു താരം കൂടെയുണ്ടായിരുന്നത് എന്റെ വലിയ ഭാഗ്യമായാണ് ഞാൻ കാണുന്നത്." - സിദാൻ വ്യക്തമാക്കി.
റയൽ മാഡ്രിഡിൽ സിദാന്റെ പരിശീലനത്തിന് കീഴിലാണ് ക്രിസ്റ്റ്യാനോ റൊണാൾഡോ തുടർച്ചയായി മൂന്ന് യുവേഫ ചാമ്പ്യൻസ് ലീഗ് കിരീടങ്ങൾ നേടി ചരിത്രം കുറിച്ചത്. ഈ കാലയളവിൽ മാഡ്രിഡിന്റെ ഏറ്റവും വിജയകരമായ മുന്നേറ്റങ്ങൾക്ക് നേതൃത്വം നൽകാൻ റൊണാൾഡോയ്ക്ക് സാധിച്ചിരുന്നു.
"മടങ്ങിവരവ് ക്രിസ്റ്റ്യാനോയുടെ തീരുമാനം; മാപ്പ് പറയാൻ സൗകര്യമില്ല!" - തുറന്നടിച്ച് പോർച്ചുഗൽ കോച്ച് ജോർജ്ജ് ജീസസ്
ബാലൺ ഡി ഓർ പോരാട്ടത്തിൽ കൊടുങ്കാറ്റായി നാല് പ്രതിഭകൾ
"റൊണാൾഡോ ചരിത്രത്തിലെ ഏറ്റവും മികച്ച താരം; വിവാദങ്ങൾ ആന്തരികമായി പരിഹരിക്കും" - പോർച്ചുഗീസ് എഫ്.എ പ്രസിഡന്റ്
ഷൂട്ടൗട്ടിൽ കണ്ണൂരിനെ തകർത്തു; സ്വന്തം തട്ടകത്തിൽ ആദ്യ വിജയത്തിൽ ഗർജിച്ച് 'കൊമ്പൻസ്'
